یاد رہے کہ لاہور ہائی کورٹ نے پاکستان تحریک انصاف کی درخواست پر الیکشن کمیشن کی جانب سے انتخابات میں آر او اور ڈی آر اوز کی خدمات حاصل کرنے کے نوٹیفکیشن کو کالعدم قرار دے دیا جس کے بعد ملک بھر میں انتخابی عملے کی تربیت کا عمل روک دیا گیا
اب الیکشن کمیشن کا کہنا ہے کہ ملک بھر میں ڈی آر اوز اور آر اوز کی تربیت دوبارہ شروع کر دی گئی ہے کل 859 ریٹرننگ افسران اور 144 ڈسٹرکٹ ریٹرننگ آفیسرز کو تربیت دی جا رہی ہے.
ترجمان کے مطابق الیکشن کمیشن کے سینئر افسران آر اوز اور ڈی آر اوز کو تربیت دے رہے ہیں.
الیکشن کمیشن کے جاری کردہ نوٹیفکیشن کے مطابق سرکاری اداروں میں ہر قسم کی منتقلی اور پوسٹنگ پر مکمل پابندی ہے
دوسری جانب ڈسٹرکٹ ریٹرننگ آفیسر اسلام آباد نے الیکشن کمیشن کی ہدایت پر سرکاری افسران اور اہلکاروں کی چھٹی پر پابندی عائد کردی ہے.
ڈی آر او اسلام آباد کا کہنا ہے کہ محکمہ تعلیم کے افسران اور ملازمین کو اسلام آباد نہیں چھوڑنا چاہیے، الیکشن کمیشن کی ہدایت پر ایف ڈی ای کے اہلکاروں کو اسلام آباد میں ہی رہنا چاہیے.