انہوں نے کہا کہ نیتن یاہو عالمی برادری اور سیکورٹی اسٹیبلشمنٹ کا اعتماد کھو چکے ہیں۔اسرائیلی اپوزیشن لیڈر نے مزید کہا کہ نیتن یاہو اور اسرائیلی سکیورٹی حکام نے 7 اکتوبر کے حملوں میں ناقابل معافی ناکامی کا ارتکاب کیا۔جو بائیڈن نے غزہ بمباری پر حمایت کھونے کے بعد نیتن یاہو کو کابینہ میں تبدیلی کا مشورہ دیا۔7 اکتوبر کے حملوں کو روکنے میں ناکامی پر اسرائیلی اپوزیشن لیڈر نے مطالبہ کیا کہ نیتن یاہو فوری طور پر مستعفی ہو جائیں اور اسرائیل میں نئے انتخابات کرائے جائیں۔
واضح رہے کہ اسرائیل پر حماس کے حملوں کے بعد نیتن یاہو نے حزب اختلاف کے رہنما بینی گینٹز کے ساتھ جنگ کے دوران ہنگامی حکومت کے قیام کا معاہدہ کیا تھا تاہم یائر لاپڈ نے اس ہنگامی حکومت کا حصہ بننے سے انکار کر دیا تھا۔نیتن یاہو کی جماعت نے اپوزیشن لیڈر کے اسرائیلی وزیراعظم کے مطالبے کو شرمناک قرار دیتے ہوئے سوشل میڈیا ایپلی کیشن پر ایک بیان میں کہا کہ جنگ کے حالات میں ایسا مطالبہ انتہائی شرمناک ہے۔
