دہشت گرد حملے میں ملوث ماسٹر مائنڈ کا تعلق ڈیرہ اسماعیل خان کے علاقے درابن سے ہے جب کہ حملے میں ملوث 6 دہشت گردوں کا تعلق افغانستان سے ہے۔دستاویزات کے مطابق ڈیرہ اسماعیل خان میں خودکش حملہ کرنے والے دہشت گرد حسن عرف شاکر کا تعلق افغانستان سے ہے جس نے حملے سے قبل ایک ویڈیو بھی جاری کی تھی جب کہ حملے میں ہلاک ہونے والے دوسرے خودکش حملہ آور صفت اللہ مروت کا تعلق افغانستان سے ہے۔

یہ بھی پڑھیں

 ڈیرہ اسماعیل خان،دہشتگردوں کا تھانے پرحملہ، 3 پولیس اہلکار شہید 

خودکش حملہ آور صفت اللہ کا شناختی کارڈ، ڈومیسائل اور دیگر دستاویزات بھی نجی ٹی وی کومل گئی ہیں، جب کہ خودکش بمبار صفت اللہ کے والد نے بھی اپنے بیٹے کے امارت اسلامیہ سے تعلق کی تصدیق کی ہے۔دستاویزات کے مطابق اس حملے میں کالعدم ٹی ٹی پی گنڈا پور گروپ کے 5 دہشت گرد بھی ملوث تھے۔موصول ہونے والی دستاویزات کے مطابق دہشت گردوں سے امریکی ساختہ اسلحہ اور گولہ بارود بھی برآمد ہوا ہے۔یاد رہے کہ ڈیرہ اسماعیل خان حملے میں 22 اہلکار شہید اور 29 زخمی ہوئے تھے جب کہ حملے میں 2 خودکش حملہ آوروں سمیت 2 دہشت گرد بھی مارے گئے تھے۔