سابق چیف جسٹس ثاقب نثار نے کہا کہ واقعے کے بعد پولیس اہلکار موقع پر پہنچ گئے، پولیس تفتیش کر رہی ہے کہ حملہ آور کون تھے.
پولیس کے مطابق سابق چیف جسٹس کا خاندان مکمل طور پر محفوظ ہے، پولیس کانسٹیبل عامر اور کانسٹیبل خرم معمولی زخمی ہوئے ہیں, دونوں زخمی سیکیورٹی اہلکاروں کو طبی امداد کے لیے ہسپتال منتقل کیا گیا، دھماکے سے علاقے میں خوف و ہراس پھیل گیا.
پولیس کے مطابق ابتدائی معلومات کے مطابق موٹرسائیکل سوار ملزم پٹاخے پھینک کر فرار ہوگیا، دھماکے کی وجہ سے گھر کی کھڑکیاں ٹوٹ گئیں.
پولیس ذرائع کے مطابق بم ڈسپوزل اسکواڈ، سی ٹی ڈی اور بھاری پولیس فورس موقع پر پہنچ گئی، دھماکے کی نوعیت کا پتہ لگایا جا رہا ہے, سی سی ٹی وی فوٹیج کی مدد سے ملزم تک پہنچنے کی کوشش کی جائے گی.
آئی جی پنجاب کا نوٹس
آئی جی پنجاب ڈاکٹر. عثمان انور نے سابق چیف جسٹس کی رہائش گاہ پر دھماکے کا نوٹس لیا اور سی سی پی او لاہور سے رپورٹ طلب کی.
پولیس حکام کے مطابق سی سی پی او لاہور بلال صدیق کمیانہ، ڈی آئی جی آپریشنز لاہور، ایس ایس پی آپریشنز سمیت سینئر پولیس افسران موقع پرپہنچے اور تحقیقات شروع کردیں۔