پاکستان قائداعظم محمد علی جناح جنہوں نے برصغیر کے مسلمانوں کو پاکستان کی صورت میں ایک آزاد وطن دیا، 25 دسمبر 1876 کو وزیر مینشن کراچی میں آنکھ کھولی۔ ۔آپ نے ابتدائی تعلیم سندھ مدرسۃ الاسلام سے حاصل کی اور میٹرک کا امتحان یونیورسٹی آف بمبئی سے پاس کیا۔ بعد ازاں وہ اعلیٰ تعلیم کے لیے لندن چلے گئے۔1895 میں انہوں نے لندن سے قانون کی ڈگری حاصل کی اور باضابطہ طور پر قانون کی مشق کرنے کے لیے بمبئی واپس آ گئے۔ ۔1896 میں محمد علی جناح نے اپنی سیاسی زندگی کا آغاز کیا اور باضابطہ طور پر انڈین نیشنل کانگریس میں شمولیت اختیار کی لیکن کچھ عرصے بعد انہیں معلوم ہوا کہ کانگریس صرف ہندوؤں کی نمائندہ جماعت ہےانہوں نے آل انڈیا مسلم لیگ میں شمولیت اختیار کی اور علیحدہ وطن کے لیے باقاعدہ تحریک شروع کی۔

آل انڈیا مسلم لیگ میں شمولیت کے بعد قائداعظم نے اپنے دن رات مسلمانوں کے سیاسی شعور کو بیدار کرنے کے لیے وقف کر دیے۔با لآخر ان کی جدوجہد رنگ لائی اور 14 اگست 1947 کو برصغیر کے مسلمانوں کا ایک علیحدہ وطن کا خواب پورا ہوا جس کا نام پاکستان رکھا گیا۔آزادی کے بعد قائداعظم کی طبیعت خراب ہونے لگی اور کئی بیماریوں سے لڑنے کے بعد بالآخر 11 ستمبر 1948ء کو انتقال کر گئے۔