تفصیل کے مطابق پی ٹی آئی کے توشہ خانہ فیصلے کو معطل کرنے اور لیول پلیئنگ فیلڈ سے متعلق درخواستیں دائر کرنے کا معاملہ سپریم کورٹ میں سامنے آیا یہ معاملہ چیف جسٹس سردار طارق مسعود کی عدالت میں آیا.
وکیل شہباز کھوسہ نے کہا کہ توشہ خانہ کیس میں نااہلی کی درخواست تین رکنی بنچ کے سامنے رکھی جانی چاہیے.
جسٹس طارق نے کہا کہ اسلام آباد میں صرف دو جج دستیاب ہیں، توشہ خانہ کیس کی سماعت کم از کم تین رکنی بنچ کو کرنی چاہی, اس ہفتے توشہ خانہ نااہلی کیس کی سماعت ممکن نہیں ہے.
جسٹس اطہرمن اللہ نے کہا کہ نااہلی سے متعلق فیصلے کی معطلی سزا کو معطل نہیں کرتی، ہماری درخواست ہے کہ اگر توشہ خانہ کیس کا فیصلہ معطل کیا جائے تو سزا کو بھی ختم کر دینا چاہیے، پاکستان کی تاریخ میں سزا کی معطلی کی کوئی عدالتی نظیر نہیں ملتی
وکیل شہباز کھوسہ نے کہا کہ مخدوم جاوید ہاشمی کے خلاف فیصلے کے ساتھ ہی سزا بھی ختم کر دی گئی پوری قوم اس کیس کو دیکھ رہی ہے جس میں پی ٹی آئی کے بانی کو تین سال کے لیے نااہل قرار دیا گیا تھا، سب نے دیکھا کہ ہمایوں دلاور کو ایک ہی دن میں پانچ بار سماعت کرکے سزا سنائی
قائم مقام چیف جسٹس نے کہا کہ دو رکنی بنچ صرف آپ کی درخواست کو مسترد کر سکتا ہے. دو ججوں کا بنچ آپ کو عبوری ریلیف بھی نہیں دے سکتا کیونکہ یہ ہائی کورٹ میں ڈویژن بنچ کا فیصلہ ہے کیا آپ جانتے ہیں کہ اہم کیس ہے قاضی فیض عیسیٰ بھی اگلے ہفتے آئیں گے.
وکیل نے کہا کہ عدالت اب بھی ججوں کو بلا کر بنچ تشکیل دے سکتی ہے جس پر جسٹس طارق مسعود نے کہا کہ یہاں جج دستیاب نہیں ہیں بتائیں کس کو بٹھا کرسماعت کریں ۔