الیکشن کمیشن کے ضابطہ اخلاق کے مطابق پولنگ ختم ہونے کے ایک گھنٹے بعد تک نتیجہ میڈیا پر نشر نہیں کیا جائے گا. نتائج کو نشر کرتے وقت یہ کہا جائے گا کہ یہ غیر سرکاری، نامکمل نتائج ہیں جنہیں RO کے اعلان تک حتمی نہیں سمجھا جائے گا
الیکشن کمیشن کے ترجمان کے مطابق قومی میڈیا میں پرنٹ، الیکٹرانک، ڈیجیٹل میڈیا اور سوشل میڈیاشامل ہیں.
ضابطہ اخلاق کے مطابق انتخابی مہم کے دوران قومی میڈیا پاکستان کے نظریات، خودمختاری اور سلامتی کے خلاف متعصبانہ رائے کی عکاسی نہیں کرے گا، ایسے بیانات یا الزامات جو قومی اتحاد کو خطرہ ہیں نشرنہیں کیا جائے گا.
الیکشن کمیشن کے ضابطہ اخلاق میں یہ بھی کہا گیا ہے کہ میڈیا پر نشر ہونے والی خبروں میں کوئی ایسا مواد شامل نہیں ہوگا جو کسی امیدوار پر ذاتی حملہ ہو, جنس، مذہب اور برادری کی بنیاد پر سیاسی حملوںپر قانونی کارروائی کی جائے گی. دوسرے امیدوار کے خلاف ایک امیدوار کا الزام دونوں طرف سے تصدیق کے بعد شائع یا نشر کیاجائے گا۔