چیف جسٹس آف پاکستان جسٹس قاضی فیض عیسیٰ کی سربراہی میں سات رکنی بڑا بنچ کل آرٹیکل 62 1F کے تحت ارکان پارلیمنٹ کی تاحیات نااہلی کے کیس کی سماعت کرے گا.
جسٹس منصور علی شاہ، جسٹس یحییٰ آفریدی، جسٹس امین الدین خان بنچ میں جبکہ جسٹس جمال مندوخیل شامل ہیں, جسٹس محمد علی مظہر اور جسٹس مسرت ہلالی بھی بنچ کا حصہ ہوں گے.
واضح رہے کہ پچھلی حکومت نے الیکشن ایکٹ میں ترمیم کی تھی جس کے بعد آرٹیکل 62 1F کے تحت نااہلی کی مدت پانچ سال کر دی گئی تھی.
مذکورہ آرٹیکل کے تحت بہت سے سیاستدانوں کو نااہل قرار دیا گیا ہے، جن میں سابق وزیر اعظم نواز شریف، جہانگیر ترین اور بہت سے دوسرے سیاستدان شامل ہیں.