بلاول بھٹو زرداری نے کہا کہ ہم چاروں صوبوں میں پیپلز پارٹی کی مہم چلائیں گے، ہم پیپلز پارٹی کے کارکنوں اور عہدیداروں کی امیدوں کے مطابق جدوجہد کریں گے, پاکستان پی پی پی نے اپنے منشور اور اپنے نظریے کے مطابق الیکشن لڑ نا ہے.
چیئرمین پیپلز پارٹی نے کہا کہ پیپلز پارٹی کی مرکزی ایگزیکٹو کمیٹی کا اجلاس آج منعقد ہوا، آصف علی زرداری نے مجھے وزیر اعظم کے لیے امیدوار نامزد کیا ہے, پیپلز پارٹی نفرت کی سیاست کو دفن کرنا چاہتی ہے اور آگے بڑھنا چاہتی ہے، وہ ایسا معاشی منصوبہ بنانا چاہتی ہےجس سے عام آدمی کو فائدہ ہوگا.
انہوں نے کہا کہ انہوں نے گڑھی خدابخش میں اپنا 10 نکاتی منشور پیش کیا، انہوں نے پاکستان کے عوام سے 10 وعدے کیے ہیں، وہ انہیں پورا کریں گے,
بلاول بھٹو نے کہا کہ منشور کے تحت سندھ میں سیلاب زدگان کو گھر بنا کر مفت تعلیم اور مفت صحت کی سہولیات فراہم کی جائیں گی, کسانوں کے لیے بینظیر کارڈ کے بعد ملک بھر کے لوگوں کو زمین کی ملکیت کے حقوق دیے جائیں گے. کسان کارڈ لائیں گے.
