دیوار چین کتنی بڑی ہے ؟
چین کی عظیم دیوار بہت بڑی ہے اور اسے انسان کا بنایا ہوا سب سے بڑا ڈھانچہ سمجھا جاتا ہے۔دیوار چین 21 ہزار 196 کلومیٹر سے زیادہ کے رقبے پر پھیلی ہوئی ہے۔اس کی اوسط لمبائی اور چوڑائی 6 سے 8 میٹر ہے۔ مورخین کا خیال ہے کہ اس کی تعمیر 7 قبل مسیح میں شروع ہوئی تھی۔یعنی اس کے قدیم ترین حصے 2700 سال پرانے ہو سکتے ہیں۔220 قبل مسیح میں شہنشاہ چن شیہوانگ نے چین کو متحد کیا اور پھر دیوارِ عظیم کی توسیع کا کام شروع کیا۔دیوار کی تعمیر 2 ہزار سال سے زائد عرصے تک جاری رہی۔
دیوار کیوں بنائی گئی؟
یہ دنیا کے جدید 7 عجائبات میں شامل ہے درحقیقت یہ ایک دیوار نہیں بلکہ دیواروں، ٹاورز اور دیگر ڈھانچے کا مجموعہ ہے جو چین کے ایک بڑے حصے پر محیط ہے۔ قدیم زمانے میں فوج کو حملہ کرنے سے روکنے کے لیے بڑی دیوار بنانا بہترین طریقہ سمجھا جاتا تھا۔یہ دیوار بھی چین کو حملہ آوروں سے بچانے کے لیے بنائی گئی تھی۔چونکہ اس دیوار کی تعمیر صدیوں تک جاری رہی، چین کو کئی بار مختلف فوجوں سے لڑنا پڑا۔
ایک کونے سے دوسرے کونے تک جانے میں کتنا وقت لگتا ہے؟
جیسا کے اوپر بتایا گیا ہے کہ یہ دیوار 21 ہزار 196 کلومیٹر سے زیادہ کے رقبے پر پھیلی ہوئی ہے۔یہ فاصلہ سنگاپور اور لاس اینجلس کے فاصلے سے ڈیڑھ گنا ہے اور ایک کونے سے دوسرے کونے تک پیدل سفر کرنے میں 17 سے 18 ماہ لگتے ہیں
دیوار چین چاند سے نظر آتی ہے ؟
آپ نے سنا ہوگا کہ چاند سے چین کی عظیم دیوار کو دیکھنا ممکن ہے لیکن یہ سچ نہیں ہے۔خلابازوں نے خلا سے چین کی عظیم دیوار کی تصاویر لینے کی کوشش کی ہے لیکن کوئی بھی یہ ثابت نہیں کرسکا کہ اسے دیکھنا ممکن ہے۔
