پی ٹی آئی کے بانی عمران خان نے سپریم کورٹ میں دائر درخواست میں الیکشن کمیشن اور سپیکر قومی اسمبلی سمیت دیگر کوفریق بنایا ہے
سپریم کورٹ سے درخواست کی گئی ہے کہ 6 دسمبر 2023 کو اسلام آباد ہائی کورٹ کا فیصلہ کالعدم قرار دیا جائے, فیصلہ کالعدم نہ ہونے کی صورت میں کیس لاہور ہائی کورٹ میں منتقل کر دیا جائے.
درخواست میںموقف اختیار کیا گیا ہے کہ الیکشن کمیشن کی جانب سے انہیں اسمبلی کی رکنیت اور پارٹی چیئرمین شپ سے ہٹانے کے فیصلے کو چیلنج کیا گیا اور کیس کی سماعت لاہور ہائی کورٹ میں ہونے کے باوجود, درخواست اسلام آباد ہائی کورٹ میں بھی دائر کی گئی.
بانی پی ٹی آئی نے درخواست میں کہا ہے کہ اسلام آباد ہائی کورٹ سے مذکورہ درخواست واپس لینے کی درخواست کی گئی تھی لیکن عدالت نے کیس واپس لینے کی درخواست مسترد کر دی, کوئی عدالت کیس واپس نہ لینے پر اصرار نہیں کر سکتی.
واضح رہے کہ الیکشن کمیشن آف پاکستان نے اکتوبر 2022 میں توشہ خانہ کیس میں عمران خان کو نااہل قرار دیا تھا, جس کے خلاف پی ٹی آئی نے اسلام آباد ہائی کورٹ میں اپیل دائر کی تھی اور بعد میں مذکورہ اپیل واپس لینے کی درخواست کی تھی. لیکن 6 دسمبر 2023 کو عدالت نے سابق وزیر اعظم عمران خان کی نااہلی کے خلاف اپیل مسترد کر دی.