بیرسٹر گوہر کے گھر کے دورے سے متعلق انکوائری کے حوالے سے اسلام آباد پولیس کے ترجمان کا بیان سامنے آیا ہے جس میں کہا گیا ہے کہ 13 جنوری کو پولیس ایک مخبر کی اطلاع پر اشتہار ی کی تلاش میں سیکٹر ایف سیون ٹو پہنچی تو پتہ چلا کہ یہ گھر بیرسٹر گوہر کا ہے لیکن پولیس فوراً واپس آگئی.
پولیس ترجمان کا کہنا ہے کہ بیرسٹر گوہر نے سپریم کورٹ سے پولیس کے گھر جانے کی شکایت کی , چیف جسٹس آف پاکستان نے کیپٹل سٹی پولیس آفیسر کو طلب کیا اور معاملے کی تحقیقات کا حکم دیا. بیرسٹر گوہر کی شکایت سننے کو کہا، جس پر آئی سی سی پی او اکبر ناصر خان نے بیرسٹر گوہر کو تحقیقات کا یقین دلایا.
اسلام آباد پولیس کے ترجمان کا کہنا ہے کہ آئی سی سی پی او نے قصوروار پائے جانے والے کسی بھی پولیس افسر پر کارروائی کی یقین دہانی کرائی ہے اور ڈی پی او سٹی کو انکوائری آفیسر مقرر کیا گیا ہے اور 3 روز میں تفصیلی رپورٹ طلب کی گئی ہے.
اسلام آباد پولیس کے ترجمان کے مطابق بیرسٹر گوہر کے گھر پر چھاپے کے خلاف کارروائی کرتے ہوئے ایس ایچ او مارگلہ سمیت پانچ اہلکاروں کو معطل کر دیا گیا ہے.