الیکشن کمیشن نے کہا ہے کہ آپ کی قرارداد کا جائزہ لینے کے بعد الیکشن کمیشن نے صدر کی مشاورت سے 8 فروری کو پولنگ کی تاریخ کا اعلان کیا
الیکشن کمیشن کے خط میں مزید کہا گیا ہے کہ نگراں حکومتوں کو امن و امان کی ہدایات جاری کی گئی ہیں اور سپریم کورٹ نے اپنے عزم کا اظہار کیا ہے کہ انتخابات 8 فروری کو ہوں گے جبکہ ماضی میں عام انتخابات اور بلدیاتی انتخابات سردیوں میں ہوتے تھے. اس لیے اس مرحلے پر الیکشن ملتوی کرنا مناسب مشورہ نہیں ہے اور اس وقت عام انتخابات 2024 ملتوی نہیں کیے جا سکتے
واضح رہے کہ 5 جنوری کو سینیٹر دلاور خان نے سب سے پہلے سینیٹ میں عام انتخابات ملتوی کرنے کی قرارداد پیش کی تھی جسے ایوان کے اکثریتی ووٹوں سے منظور کیا گیا تھا. اس قرارداد کی منظوری کے وقت سینیٹ میں 14 سینیٹرز موجود تھے
اس کے علاوہ 8 فروری کو ہونے والے انتخابات کو ملتوی کرنے کے لیے سینیٹ میں ایک اور قرارداد پیش کی گئی جسے فاٹا کے آزاد سینیٹر ہلال الرحمان نے پیش کیا