عدالت نے بانی چیئرمین اور شاہ محمود قریشی کومقدمات کی نقول فراہم کردیں، ملزمان پر فرد جرم عائد کرنے کیلئے 6 فروری کی تاریخ مقرر کردی۔ 9 مئی کے کیسز کے تفتیشی افسران نے بانی پی ٹی آئی اور شاہ محمود قریشی کے خلاف 12 مقدمات کے چالان پیش کئے گئے ،عدالت نے تمام چالان سماعت کے لئے منظور کرلئے ۔ اس موقع پر عمران خان اور شاہ محمود قریشی بھی کمرہ عدالت موجود تھے۔
بانی پی ٹی آئی اور شاہ محمود قریشی کے جوڈیشل ریمانڈ میں 6 فروری تک توسیع کردی گئی، آئندہ تاریخ پر تمام ملزمان میں مقدمات کی فرد جرم کے لئے نقول تقسیم کی جائیں گی۔ واضح رہے کہ بانی چیئرمین پی ٹی آئی عمران خان کیخلاف جی ایچ کیو حملہ کیس سمیت دیگر 12 جبکہ شاہ محمود قریشی کے خلاف 6 مقدمات درج ہیں۔