عوام سے جھوٹے وعدے کیوں کیے تھے؟ لوگوں کے جذبات سے کھیل کر ووٹ لیا بعد میں ان کو نہ نوکری دی نہ کوئی ریلیف دیا،نواز شریف نے نام لیے بغیر صوبے کی سابق حکمران جماعت پاکستان تحریک انصاف کو کڑی تنقید کا نشانہ بناتے ہوئے کہا ہے کہ خیبرپختونخوا کے لوگوں کے جذبات سے کھیلا گیا، سادہ لوگوں کو کیوں دھوکا دیا گیا۔انہوں نے کہا کہ مجھے عوام کی حالت پر ترس آتا ہے، عوام سے جھوٹے وعدے کیوں کیے؟ دھوکا دیتے شرم نہیں آئی؟۔ان کا کہنا تھا کہ آپ نے ایسے بندے کو کیوں اجازت دی کہ اس نے ملک کو اجاڑ دیا، اب وہ بل 20 ہزار روپے کا ہوگیا جو نواز شریف کے دور میں ایک ہزار روپے کا آتا تھا۔۔انہوں نے کہا کہ میں پورا رستہ دیکھتے آیا ہوں مجھے تو کوئی ون بلین ٹری سونامی نظر نہیں آیا،
اس نے جذبات سے کھیل کر ووٹ لیا بعد میں نہ نوکری دی نہ کوئی ریلیف دیا، آپ ایک بندے کے جال میں پھنسے ، نئے پاکستان کے چکر میں آپ نے پرانا پاکستان بھی تباہ کردیا۔نواز شریف کا کہنا تھا کہ میں نے پاکستان سے لوڈشیڈنگ کاخاتمہ کیاتھا، پھر بھی آپ اس شخص کے پیچھے لگ گئے، اگر نواز شریف کی حکومت ہوتی تو خیبرپختونخوا سب سے خوبصورت صوبہ ہوتا، میں نے آپ سے پوچھنا ہے آپ نے کیوں اسے موقع دیا، وہ اس صوبے سے پنجاب ایکسپورٹ ہوا ہے، آپ اس کے جال میں خود بھی پھنس گئے اور باقی ملک کو بھی پھنسادیا، اللہ سے معافی مانگیں اور اس رجوع کریں، جن کو آپ نے پہلے آزمایا ہے ان کو بار بار آزمانا ٹھیک نہیں ہے، پہلے تو آپ کو چکردیا گیا ہے 8 فروری کو مجھے نہ چکردے دینا۔قائد ن لیگ نے کہا کہ ہم نے تو حکومت نہ ہونے کے باوجود ٹنل بنائی جن کی حکومت تھی مجھے بتا انہوں نے کیا بنایا ، ٹنل ہم بنائیں اور ووٹ جائیں کسی اور کو، وعدہ کریں آئندہ ایسا نہیں کریں گے، آپ مکر وفریب کی سازش میں آگئے آئندہ اس طرح کی سازش میں نہیں آنا، اگر آپ مسلم لیگ ن کو ووٹ دیں گے توخیبرپختونخواہ کی تقدیر بدل دیں گے۔
نواز شریف نے کہا کہ خیبرپختونخوا کے عوام اب دھوکے میں نہ آئیں، ہم اقتدار میں آئے تو عوام کی دہلیز پر تمام سہولتیں فراہم کریں گے۔ نواز شریف نے کہا ہے کہ میں نے ایک ، ایک چیز لکھی ہوئی ہے، چیئرمین پاکستان تحریک انصاف عمران خان کو پچھلی باتوں کا حساب دینا پڑے گا۔نواز شریف کا کہنا تھا کہ پی ٹی آئی کی 10 سال کے پی میں حکومت رہی ہے، دس سال ہمیں ملتے تو آج صوبہ سب سے خوبصورت صوبہ ہوتا، ترقی یافتہ ہوتا لیکن نیا پاکستان تلاش کرتے کرتے پرانا پاکستان بھی تباہ کردیا۔انہوں نے سوال اٹھایا کہ بتایا جائے 300 ڈیم کہاں ہیں؟۔قائد ن لیگ کا کہنا تھا کہ میں نے کبھی قوم سے جھوٹ نہیں بولا ، آئندہ بھی سچ بولوں گا، قوم کو دن رات جھوٹ بولا جاتا تھا ، دھوکے دیئے جاتے تھے، کے پی میں ایک ایک منصوبہ مکمل کریں گے، آزمائے ہوئے کو دوبارہ آزمانا ٹھیک نہیں ہے۔ان کا کہنا تھا کہ پہلے آپ کو چکر دیا گیا ، اب آپ مجھے چکر نہ دینا۔قبل ازیں نواز شریف اور مریم نواز کا سوات جلسہ گاہ پہنچنے پر شاندار استقبال کیا گیا۔۔