قطر کی وزارت خارجہ کا کہنا ہے کہ غزہ پر فرانس میں قطر، امریکا، مصر اور اسرائیل کے حکام کے درمیان ہونے والی ملاقات میں اہم معاملات طے پاگئے ہیں اور اسرائیل نے جنگ بندی پر رضامندی ظاہر کردی ہے، حماس نے بھی نئی پیشکش کردی ہے۔ جس کے بعد آئندہ چند روز میں معاہدہ ہونے کا قوی امکان ہے، جنگ بندی معاہدے سے متعلق تفصیلات جلد سامنے آئیں گی۔

قطر کی وزارت خارجہ کا مزید کہنا ہے کہ پیرس میں ہونے والے اجلاس میں اسرائیل نے فریقین کی جانب سے اسرائیل کے سامنے جنگ بندی کے بدلے اسرائیلی یرغمالیوں اور فلسطینی قیدیوں کے تبادلے کی ایک نئی پیشکش کی جسے اس نے قبول کر لیا ہے۔ مجوزہ جنگ بندی اور یرغمالیوں کے تبادلے کے معاہدے کے بعض نکات پر اعتراض کرتے ہوئے معاہدے کو مسترد کر دیا گیا۔

واضح رہے کہ 7 اکتوبر سے غزہ پر اسرائیل کے وحشیانہ حملوں میں شہید ہونے والے فلسطینیوں کی تعداد 27 ہزار سے تجاوز کر گئی ہے جب کہ 60 ہزار سے زائد زخمی ہیں، شہید اور زخمی ہونے والوں میں نصف خواتین اور بچے ہیں۔