میڈیا رپورٹ کے مطابق اقوام متحدہ کے ترجمان اسٹیفن ڈوجارک نے کہا کہ ایک ایسے وقت میں جب پاکستان انتخابات کے نتائج کا انتظار کر رہا ہے، اقوام متحدہ کے سیکرٹری جنرل نے تمام سیاسی رہنماؤں اور معاشرے کے تمام طبقات سے امن برقرار رکھنے کا مطالبہ کیا ہے۔ اقوام متحدہ کے ترجمان نے مزید کہا کہ تمام امیدواروں اور ان کے حامیوں کے لیے یہ یقینی بنانا ضروری ہے کہ پاکستان کے عوام کی خاطر انسانی حقوق اور قانون کی حکمرانی کا مکمل احترام کیا جائے اور جو بھی تنازعات پیدا ہوں اسے قانونی طریقہ کار کے ذریعے حل کیا جائے۔ واضح رہے کہ 8 فروری کو ملک بھر میں عام انتخابات ہوئے، اس موقع پر ملک بھر میں سیکیورٹی خدشات کے پیش نظر موبائل سروس معطل کردی گئی تھی۔