ترجمان وائٹ ہاؤس کے مطابق امریکی صدر بائیڈن نے اسرائیلی وزیر اعظم نیتن یاہو سے کہا ہے کہ رفح میں 10 لاکھ فلسطینیوں کے تحفظ کو یقینی بنائے بغیر فوجی آپریشن آگے نہیں بڑھنا چاہیے۔وائٹ ہاؤس کے مطابق امریکی صدر بائیڈن نے اسرائیلی وزیر اعظم نیتن یاہو سے ٹیلی فون پر بات چیت میں مغویوں کی بحفاظت رہائی پر بھی بات کی اور یرغمالیوں کی رہائی کے حوالے سے ہونے والی بات چیت میں ہونے والی پیش رفت سے فائدہ اٹھانے پر زور دیا۔ترجمان کے مطابق بائیڈن نے اسرائیلی وزیراعظم سے غزہ کے لیے انسانی امداد میں اضافے کے لیے اقدامات کرنے کا بھی کہا اور دونوں رہنماؤں نے رابطہ برقرار رکھنے پر اتفاق کیا۔