تاہم اب قطر نے جاسوسی کے الزام میں سزا یافتہ بھارتی بحریہ کے 8 سابق اہلکاروں کو رہا کر دیا ہے، جن میں سے 7 بھارت واپس آ چکے ہیں۔قطر کی ایک عدالت نے بھارتی بحریہ کے 8 سابق افسروں کو رہا کرنے کا حکم دیا جنہیں نامعلوم الزامات پر موت کی سزا سنائی گئی تھی۔ہندوستانی وزارت خارجہ نے ایک بیان میں کہا ہے کہ وہ قطر میں گرفتار ہندوستانی شہریوں کی رہائی کا خیرمقدم کرتی ہے، اور قطر کے امیر کے ان شہریوں کی رہائی اور ان کی اپنے گھروں کو واپسی کو یقینی بنانے کے فیصلے کو سراہتی ہے۔

بھارتی میڈیا کے مطابق بھارتی ملزمان پر الزام تھا کہ انہوں نے قطر کے لیے اٹلی میں بنائی گئی آبدوزوں کی خریداری کی تفصیلات اسرائیل کو دی تھیں۔یاد رہے کہ ہندوستان اور قطر کے درمیان قریبی تعلقات ہیں۔ ہندوستان نے حال ہی میں قطر کے ساتھ 75 بلین ڈالر کا معاہدہ کیا ہے۔