غیر ملکی میڈیا کے مطابق یہ واقعہ اسکاٹ لینڈ کے شہر گلاسگو کے کوئنز پارک کے قریب پیش آیا جہاں پاکستانی نژاد ایک 13 سالہ لڑکا مسجد سے گھر واپس آرہا تھا کہ حملہ آوروں نے اسے چاقو کے وار شروع کر دئیے ،پولیس کے مطابق واقعے کی اطلاع ملتے ہی کمسن کو شدید زخمی حالت میں ہسپتال لے جایا گیا جہاں ان کا علاج جاری ہے اور کہا جاتا ہے کہ ان کی حالت خطرے سے باہر ہے.متاثرہ کے اہل خانہ کی جانب سے بتایا گیا ہے کہ چھوٹے بچے کی کمر پر چوٹیں آئی ہیں، زخموں کی گہرائی کے باعث اس کا پھیپھڑا بھی متاثر ہوا ہے.پولیس کے مطابق پارک کے قریب سی سی ٹی وی فوٹیج کی مدد سے حملہ آوروں کو گرفتار کر کے عدالت میں پیش کیا گیا ہے اور واقعے کی تمام پہلوؤں سے تفتیش کی جا رہی ہے۔