پاکستانی فوج کے شعبہ تعلقات عامہ (آئی ایس پی آر) کے مطابق دہشت گردوں نے شمالی وزیرستان کے علاقے میر علی میں ایک سیکیورٹی چیک پوسٹ پر حملہ کیا جس میں دہشت گردوں نے دھماکہ خیز مواد سے بھری گاڑی کو چیک پوسٹ سے ٹکرا دیا بعد ازاں کئی خودکش حملے کیے گئے، ان خودکش حملوں کے نتیجے میں عمارت کا ایک حصہ منہدم ہو گیا، جس کے نتیجے میں 5 جوان شہید ہو گئے.
آئی ایس پی آر کے مطابق خودکش حملوں کے بعد لیفٹیننٹ کی قیادت میں کلیئرنس آپریشن کیا گیا. آپریشن کے دوران، لیفٹیننٹ کرنل کاشف اور کیپٹن احمد بدر فائرنگ کے شدید تبادلے میں شہید ہو گئے.
آئی ایس پی آر کے مطابق 39 سالہ لیفٹیننٹ کرنل کاشف کا تعلق کراچی سے ہے اور 23 سالہ کیپٹن محمد احمد بدر کا تعلق تلہ گنگ سے ہے.
آئی ایس پی آر کے مطابق دیگر شہداء میں حوالدار صابر، نائیک خورشید، سپاہی ناصر، سپاہی راجہ اور سپاہی سجاد شامل ہیں.
آئی ایس پی آر کے مطابق شہید حوالدار صابر کا تعلق ضلع خیبر، شہید نائک خورشید لکی مروت، شہید سپاہی ناصر پشاور، شہید راجہ کوہاٹ اور شہید سپاہی سجاد کا تعلق ایبٹ آباد سے ہے.
