غیر ملکی میڈیا رپورٹس کے مطابق 7 اکتوبر کو غزہ پر اسرائیل کے حملے کے بعد امریکی وزیر خارجہ انتھونی بلینکن چھٹی مرتبہ مشرق وسطیٰ کا دورہ کر رہے ہیں۔انٹونی بلینکن گزشتہ روز سب سے پہلے سعودی عرب پہنچے جہاں سے وہ مصر اور پھر اسرائیل جائیں گے۔ سعودی عرب پہنچ کر امریکی وزیر خارجہ انتھونی بلینکن نے جدہ میں سعودی ولی عہد محمد بن سلمان سے ملاقات کی۔ ریاستی اور قومی سلامتی کے مشیر ڈاکٹر موسیٰ بن محمد العیبان، امریکی سفیر مائیکل رتنی اور دیگر حکام موجود تھے۔
ملاقات کے دوران دونوں رہنماؤں نے دوطرفہ تعلقات اور مشترکہ تعاون کے شعبوں کا جائزہ لیا، اس کے علاوہ مشترکہ دلچسپی کی علاقائی اور بین الاقوامی صورتحال بالخصوص غزہ کی پٹی اور اس کے گردونواح میں ہونے والی پیش رفت، فوجی آپریشن روکنے، اس کے سیکیورٹی اور انسانی اثرات سے نمٹنے کی کوششوں پر تبادلہ خیال کیا گیا۔
اس سے قبل امریکی وزیر خارجہ انتھونی بلینکن نے سعودی وزیر خارجہ شہزادہ فیصل بن فرحان سے بھی ملاقات کی جس میں انہوں نے غزہ کی پٹی اور رفح شہر کی صورتحال میں پیشرفت اور فوری جنگ بندی کی اہمیت کے علاوہ فوری انسانی امداد کی فراہمی پر تبادلہ خیال کیا۔ غزہ کو اس کو یقینی بنانے کے لیے تمام تر کوششیں کرنے پر بھی تبادلہ خیال کیا گیا۔
