امریکہ اور جرمنی کے بعد اقوام متحدہ نے بھی اروند کیجریوال کی غیر قانونی گرفتاری پر تشویش کا اظہار کیا ہے۔اقوام متحدہ کے سیکرٹری جنرل کے ترجمان نے کہا کہ انہیں امید ہے کہ اروند کیجریوال کا معاملہ انصاف کے اصولوں کے مطابق حل ہو جائے گا۔ ترجمان نے کہا کہ مودی حکومت تمام سیاسی شخصیات کو تحفظ فراہم کرے تاکہ ہر کوئی آزادانہ اور منصفانہ ماحول میں ووٹ ڈال سکے۔اقوام متحدہ کے سکریٹری جنرل کے ترجمان نے کہا کہ اروند کیجریوال پر منی لانڈرنگ کا الزام لگانے والوں میں سے ایک بی جے پی میں شامل ہوگیا ہے، دوسری طرف بی جے پی کو گزشتہ کئی سالوں میں کروڑوں روپے کی غیر قانونی فنڈنگ دی گئی۔
بھارتی تجزیہ کاروں کا کہنا ہے کہ انتخابات میں شکست کے خوف کے باعث مودی سرکار نے بھارت میں خوف و ہراس کا ماحول پیدا کر دیا ہے۔تجزیہ کاروں نے کہا کہ حال ہی میں انفورسمنٹ ڈائریکٹوریٹ نے مودی حکومت کے الیکشن ہارنے کے خوف سے کانگریس پارٹی کو 1800 کروڑ روپے کا نوٹس جاری کیا ہے۔بھارتی تجزیہ کاروں کا مزید کہنا ہے کہ بھارت میں انتخابات سے قبل ہونے والی بے ضابطگیوں اور دھاندلی پر دیگر ممالک کو بھی آواز اٹھانی چاہیے۔
