اردوورلڈ کینیڈا( ویب نیوز) دنیا کے سب سے خطرناک سیریل کلرز میں سے ایک رابرٹ پکٹن کینیڈا کی ایک جیل میں ہلاک ہو گیا ہے۔ جیل انتظامیہ کا کہنا ہے کہ 19 مئی کو ان پر جان لیوا حملہ ہوا تھا۔ اس کے بعد انہیں کیوبیک کے ایک ہسپتال میں داخل کرایا گیا اور گزشتہ دن اسکی موت ہوگئی

پکٹن کو 90 کی دہائی میں 49 خواتین کے وحشیانہ قتل کے الزام میں گرفتار کیا گیا تھا۔ تاہم وہ صرف چھ خواتین کے قتل کا مجرم پایا گیا تھا۔ اس پر جنسی کارکنوں کو قتل کرنے اور ان کے جسم کے اعضاء سوروں کو اپنے پگ فارم پر کھلانے کا الزام تھا۔ پکٹن کینیڈا کی وینکوور جیل میں عمر قید کی سزا کاٹ رہا تھا۔
پولیس کے مطابق پکٹن پر حملہ کرنے والے 51 سالہ قیدی کو حراست میں لے لیا گیا ہے۔ تاہم پولیس نے حملہ کرنے والے قیدی کا نام ظاہر نہیں کیا ہے۔ پولیس قتل کے پیچھے محرکات کی تحقیقات کر رہی ہے۔
سنتھیا کارڈینل جو کہ پکٹن کی بربریت کا شکار ہونے والوں میں سے ایک کی بہن ہے، نے کہا کہ وہ یہ خبر سن کر بہت خوش ہیں۔ اب وہ اپنی بہن کی موت کا واقعہ بھول کر آگے بڑھ سکتی ہے۔
رابرٹ پکٹن کو 2007 میں منشیات کی عادی لڑکیوں اور جنسی کارکنوں کو قتل کرنے، پھر ان کے جسم کے ٹکڑے کرنے اور خنزیروں کو کھانا کھلانے کے جرم میں سزا سنائی گئی تھی۔ تاہم تفتیش کاروں کو صرف چھ خواتین کی باقیات ملی ہیں۔ اس کے علاوہ تفتیش کاروں نے کم از کم 33 خواتین کے ڈی این اے حاصل کیے ہیں۔