اردو ورلڈ کینیڈا ( ویب نیوز ) ویلز کی شہزادی کیٹ مڈلٹن نے کنگ چارلس III کی سالگرہ کے موقع پر مہینوں بعدمنظر عام پر آگئیں ، کیٹ مڈلٹن نے مارچ میں ایک ویڈیو پیغام میں اپنے کینسر کی تشخیص کا اعلان کیا تھا اور تب سے وہ اس بیماری سے لڑ رہی ہیں۔اب مہینوں بعد، کیٹ مڈلٹن پہلی مرتبہ منظر عام پر آگئیں اور کنگ چارلس کی سالگرہ کی تقریب ‘ٹروپنگ دی کلر میں شرکت کی کیٹ مڈلٹن اپنے تین بچوں کے ساتھ لندن میں سالانہ ٹروپنگ دی کلر پریڈ میں شاہی گاڑی میں پہنچی.مڈلٹن نے بکنگھم پیلس کی بالکونی میں کنگ چارلس، ملکہ اور خاندان کے دیگر سینئر افراد کے ساتھ بھی شمولیت اختیار کی۔دوسری جانب انہوں نے کل ایک پیغام میں کہا کہ وہ کیموتھراپی سے گزر رہے ہیں اور ان کی صحت بہتر ہو رہی ہے۔