اردو ورلڈ کینیڈا ( ویب نیوز ) ان دنوں شدید گرمی پڑ رہی ہے جس کے باعث متعدد ا فراد جان سےہاتھ دھو بیٹھے ہیں ، دبئی حکام نے ملک بھر میں شدید گرمی کے پیش نظر جمعہ کے خطبات کو آج سے مختصر کرنے کا حکم دیا ہے۔حکام نے ملک بھر کے اماموں سے کہا ہے کہ وہ متحدہ عرب امارات میں درجہ حرارت 50 ڈگری سیلسیس سے تجاوز کرنے کے بعد جمعہ کے خطبات اور نما زکو 10 منٹ تک محدود رکھیں. یہ ہدایت آج، جمعہ، 28 جون سے اکتوبر تک لاگو ہوگی۔جمعہ اسلام کا بہترین دن ہے، اس دن مساجد میں خصوصی اجتماعی نماز کا اہتمام کیا جاتا ہے، جسے جمعہ کہا جاتا ہے۔

بہت سے نمازیوں کو گرم دھوپ میں صحنوں میں نماز ادا کرنی پڑتی ہے کیونکہ مساجد تیزی سے بھر جاتی ہیں۔یہ اقدام نمازیوں کو موسم گرما کے شدید درجہ حرارت سے بچائے گا۔دبئی اسپورٹس سٹی میں نماز جمعہ میں شرکت کرنے والے شامی شہری محمد یاسین نے کہا کہ مجھے امید ہے کہ امام بھی نماز کو ہر ایک کے لیے آسان بنانے کے لیے مختصر آیات پڑھیں گے.”