اردو ورلڈ کینیڈا ( ویب نیوز ) سکاٹش جزائر آف ویسٹری اور پاپا ویسٹری کے درمیان پرواز کو دنیا کی مختصر ترین پرواز ہونے کا اعزاز حاصل ہے کیونکہ یہ پرواز 2 منٹ سے بھی کم وقت تک ہوا میں رہتی ہے۔عام طور پر ہم کار، بس یا ٹرین کے ذریعے سفر کرنے کا انتخاب کرتے ہیں، لیکن شمالی اسکاٹ لینڈ میں صورت حال کچھ مختلف ہے، جہاں آرکنی آئی لینڈرز کے پاس صرف 2 آپشنز ہیں، پانی پر سواری یا مختصر پرواز کا انتخاب کریں۔دوسرا آپشن جزیروں میں زیادہ مقبول ہے کیونکہ کشتی کو اکثر پانی کے اتار چڑھاؤ کی وجہ سے مشکلات کا سامنا کرنا پڑتا ہے، یہی وجہ ہے کہ مقامی لوگ ہوائی سفر کو ترجیح دیتے ہیں، جس کے بارے میں خیال کیا جاتا ہے کہ یہ دنیا کی مختصر ترین تجارتی پرواز ہے ۔
غیر ملکی خبر رساں ادارے کے مطابق دنیا کی مختصر ترین پرواز عموماً ہوا میں تقریباً 90 سیکنڈز تک رہتی ہے لیکن اگر ہوا سازگار ہو تو یہ سفر ایک منٹ (53 سیکنڈ) سے بھی کم وقت میں مکمل کیا جا سکتا ہے تاہم ناموافق حالات میں۔ ہوائی جہاز تقریباً 3 منٹ تک ہوا میں رہے گا۔دنیا کی سب سے مختصر تجارتی پرواز 1967 میں شروع کی گئی تھی، جس کا فاصلہ صرف 1.7 میل تھا (زیادہ تر بڑے ہوائی اڈوں کے رن ویز سے چھوٹا)، یہ سفر ہوائی جہاز سے زیادہ بس کی سواری سے مشابہت رکھتا ہے کیونکہ اس پرواز میں صرف ایک پائلٹ اور 8 نشستیں ہوتی ہیں۔
