اردوورلڈ کینیڈا(ویب نیوز)سپریم کورٹ نے لاہور ہائی کورٹ کی جانب سے 8 الیکشن ٹربیونلز کی تشکیل کے خلاف الیکشن کمیشن کی اپیل کی سماعت کا تحریری حکم نامہ جاری کر دیا۔حکم نامے میں کہا گیا کہ الیکشن کمیشن اور چیف جسٹس لاہور ہائی کورٹ کا دفتر دونوں آئینی ادارے ہیں اور انتہائی احترام کے حقدار ہیں مشاورت ہونی چاہیے۔
سپریم کورٹ نے کہا کہ 2 جولائی کو جوڈیشل کمیشن کے اجلاس میں چیف جسٹس لاہور ہائی کورٹ کو متفقہ طور پر نامزد کیا گیا ہے، عدالت کیس کے میرٹ پر جائے بغیر کیس کو زیر التوا رکھ رہی ہے اور الیکشن کمیشن کے درمیان بامعنی مشاورت ہونی چاہیے۔
حکم نامے میں مزید کہا گیا ہے کہ الیکشن کمیشن کا 26 اپریل کا خط، نوٹیفکیشن اور لاہور ہائی کورٹ کا 29 مئی کا فیصلہ اور 12 جون کا نوٹیفکیشن اگلی تاریخ تک معطل کر دیا گیا ہے، چیف جسٹس لاہور کی حلف برداری کے بعد جلد از جلد الیکشن کمیشن کا فیصلہ سنایا جائے
36
