ishtiaq ahmed 
اردوورلڈ کینیڈا( ویب نیوز)بالی ووڈ اسٹار عالیہ بھٹ نے ایشیا کے امیر ترین بھارتی بزنس مین مکیش امبانی کے بیٹے اننت امبانی کی شادی کی تقریب میں 160 سال پرانی ساڑھی پہنی۔
گزشتہ 7 ماہ کی تقریبات کے بعد بالآخر اننت امبانی اور رادھیکا مرچنٹ شادی کے بندھن میں بندھ گئے ہیں اور اس طویل شادی کو ‘سال کی بہترین شادی کا خطاب دیا جا رہا ہے۔
شادی میں بالی ووڈ سمیت دنیا بھر کے شوبز ستاروں اور مختلف شعبوں سے تعلق رکھنے والی معروف شخصیات نے شرکت کی، شادی کی تقریب کے بعد تمام ستارے اپنے سوشل میڈیا اکاؤنٹس پر اپنی تصاویر پوسٹ کر رہے ہیں۔
ایسے میں عالیہ بھٹ نے اننت امبانی اور رادھیکا مرچنٹ کی شادی کی تقریب کی اپنی تصاویر بھی انسٹاگرام پر جاری کی ہیں۔
عالیہ بھٹ نے ایک خوبصورت گلابی اور سنہری ساڑھی پہنی، جس کے بارے میں بھارتی میڈیا نے دعویٰ کیا کہ یہ 160 سال پرانی ہے، جو خالص ریشم اور اصلی زری بارڈر کے ساتھ گجرات میں بنی تھی۔
بھارتی میڈیا کا کہنا ہے کہ عالیہ بھٹ کی چھ گز کی قدیم ساڑھی کی تیاری میں 99 فیصد خالص چاندی اور تقریباً 6 گرام اصلی سونا استعمال کیا گیا ہے۔
رپورٹس میں مزید کہا گیا ہے کہ یہ قدیم ساڑھی معروف ہندوستانی ڈیزائنر منیش ملہوترا کے خصوصی آرکائیو ویو کلیکشن کا حصہ ہے جو ہندوستان کے ثقافتی ورثے کو محفوظ رکھتی ہے۔
57
