اردو ورلڈ کینیڈا ( ویب نیوز )اسرائیل کے دارالحکومت تل ابیب میں سفارت خانوں کے قریب عمارت پر ڈرون حملے میں ایک شخص ہلاک اور متعدد زخمی ہوگئے۔اسرائیلی میڈیا کے مطابق تل ابیب میں امریکی سفارت خانے کے قریب عمارت پر ڈرون حملے کے بعد آگ کے شعلے دور سے دیکھے گئے۔اسرائیلی میڈیا رپورٹس کے مطابق عمارت پر ڈرون حملے میں ایک شخص ہلاک اور 7 افراد زخمی ہوگئے، زخمیوں کو فوری طور پر طبی امداد کے لیے اسپتال منتقل کردیا گیا۔
اسرائیلی ڈیفنس فورس (آئی ڈی ایف) نے ڈرون حملے کی تصدیق کرتے ہوئے کہا ہے کہ یہ حملہ حزب اللہ کے ایک سینئر کمانڈر پر حملے کا بدلہ تھا، جس میں حزب اللہ کا ایک سینیئر کمانڈر مارا گیا تھا۔میڈیا رپورٹس کے مطابق سیکیورٹی فورسز نے علاقے کو گھیرے میں لے کر ریسکیو آپریشن شروع کردیا ہے جب کہ سیکیورٹی حکام نے اس بات کی بھی تحقیقات شروع کردی ہیں کہ ڈرون حملے سے قبل خطرے کی نشاندہی کرنے والے سائرن کیوں نہیں بجے۔
دوسری جانب میڈیا رپورٹس میں بتایا جا رہا ہے کہ یمن کے حوثی باغیوں نے اسرائیل پر ڈرون حملے کی ذمہ داری قبول کرتے ہوئے ڈرون حملے کو حماس کے 7 اکتوبر 2023 کے حملے کے بعد ایک بڑی کارروائی قرار دیا ہے۔
