اردو ورلڈ کینیڈا ( ویب نیوز ) گوگل کی مصنوعی ذہانت (اے آئی) ٹیکنالوجی کمپنی ڈیپ مائنڈ نے ایک ایسا روبوٹ تیار کیا ہے جو ٹیبل ٹینس کے کھیل میں انسانوں کا مقابلہ کرسکتا ہے۔کمپنی کے مطابق یہ پہلا موقع ہے کہ ایسا AI روبوٹ تیار کیا گیا ہے جو شوقیہ انسانی کھلاڑیوں کا مقابلہ کر سکتا ہے۔روبوٹ اب تک متعدد انسانوں سے مقابلہ کرچکا ہے اور 100 فیصد میچوں میں شوقیہ کھلاڑیوں کو شکست دے چکا ہے جب کہ شوقیہ کھلاڑیوں کے خلاف 55 فیصد میچ جیت چکا ہے۔تاہم اس روبوٹ کو بہترین کھلاڑیوں کا مقابلہ کرنے میں مشکلات کا سامنا ہے اور وہ ان کے خلاف ایک بھی میچ نہیں جیت سکے۔
ایک رپورٹ کے مطابق روبوٹ نے تمام صلاحیتوں کے حامل انسانی کھلاڑیوں کے خلاف 29 میں سے 13 میچز جیتے۔اس سے ظاہر ہوتا ہے کہ یہ روبوٹ انسانوں کا مقابلہ کرنے کی صلاحیت رکھتا ہے۔ڈیپ مائنڈ کے مطابق روبوٹ کو ٹیبل ٹینس کے اعدادوشمار کے ڈیٹا سے تربیت دی گئی ہے اور اسے گیند کی پوزیشن، رفتار اور دیگر پہلوؤں کے بارے میں تفصیلات دی گئی ہیں۔یہ روبوٹ ٹیبل ٹینس کے میچوں کے قوانین کی درست طریقے سے نقل کرتا ہے اور اس کی کارکردگی انسانوں سے بہت بہتر ہے۔یہ کھلاڑیوں کے انداز اور طرز عمل کا تجزیہ کرتا ہے اور اس کے مطابق اپنے کھیل کو تبدیل کرتا ہے۔ڈیپ مائنڈ کے سینئر اہلکار پناگ سنکیتی کے مطابق روبوٹ ہماری توقعات سے بہتر کارکردگی کا مظاہرہ کرتا ہے۔