39
اردو ورلڈ کینیڈا ( ویب نیوز ) مظفرآباد شہر اور گردونواح میں 7 منٹ میں 2 زلزلے کے جھٹکے، لوگ کلمہ طیبہ کا ورد کرتے ہوئے گھروں سے باہر نکل آئے۔آزاد کشمیر، ہٹیاں بالا، چناری اور چکوٹھی سمیت وادی جہلم میں بھی زلزلے کے شدید جھٹکے محسوس کیے گئے، ریکٹر اسکیل پر زلزلے کی شدت 4.6 ریکارڈ کی گئی۔ہٹیاں بالا میں زلزلے نے سوئے ہوئے لوگوں کو جگا دیا، خوف کے مارے کلمہ طیبہ کا ورد کرتے ہوئے گھروں سے باہر نکل آئے۔مظفرآباد میں زلزلے کا پہلا جھٹکا صبح 6 بجکر 16 منٹ پر اور دوسرا جھٹکا صبح 6 بجکر 23 منٹ پر محسوس کیا گیا۔زلزلے کے باعث مظفرآباد میں انٹرنیٹ سروس بھی کچھ دیر کے لیے معطل کردی گئی۔وادی لیپا، وادی جہلم، باغ، پونچھ اور حویلیاں اضلاع میں بھی زلزلے کے جھٹکے محسوس کیے جائیں گے۔
