اردو ورلڈ کینیڈا ( ویب نیوز ) سری لنکا اور نیوزی لینڈ کے درمیان ٹیسٹ میچ میں آرام کا دن واپس آگیا، سری لنکا کرکٹ نے نیوزی لینڈ کے خلاف ٹیسٹ سیریز کے شیڈول کا اعلان کر دیا ہے۔نیوزی لینڈ کی ٹیم ستمبر میں دو ٹیسٹ میچز کی سیریز کے لیے سری لنکا کا دورہ کرے گی، دونوں ٹیموں کے درمیان پہلا ٹیسٹ 6 دن پر مشتمل ہو گا، پہلا ٹیسٹ میچ 18 ستمبر سے 23 ستمبر تک گال میں کھیلا جائے گا۔ سری لنکا اور نیوزی لینڈ کے درمیان دوسرا ٹیسٹ میچ 26 ستمبر سے گال میں کھیلا جائے گا۔
دونوں ٹیسٹ میچز آئی سی سی ورلڈ ٹیسٹ چیمپئن شپ کا حصہ ہیں۔میڈیا رپورٹس کے مطابق سری لنکا میں صدارتی انتخابات کے باعث ٹیسٹ میچ کو 6 دن کے لیے رکھا گیا ہے، 21 ستمبر کو پہلے ٹیسٹ میچ کا آرام کا دن قرار دیا گیا ہے۔20 سال میں پہلی بار ٹیسٹ میچ 6 دن پر مشتمل ہو گا، آخری بار 2008 میں بنگلہ دیش اور سری لنکا کے درمیان ٹیسٹ میچ انتخابات کے باعث 6 دن پر مشتمل تھا۔
