44
اردو ورلڈ کینیڈا ( ویب نیوز ) روالپنڈی میں پاکستان اور بنگلہ دیش کے درمیان کھیلنے گئے پہلے ٹیسٹ میچ میں قومی ٹیم کی بنگلہ دیش کے ہاتھوں شکست کے بعد رد عمل دیتے ہوئے پی سی بی کے چیئرمین محسن نقوی نے کہا ہے کہ وہ کرکٹ کے معاملات ٹھیک کر کے رہیں گے حل انہوں نے کہا کہ میرے الفاظ یاد رکھیں گے، حالات ایسے نہیں رہیں گے۔بنگلہ دیش کے ہاتھوں تاریخی شکست کے بعد چیئرمین پی سی بی محسن نقوی نے اپنے ردعمل میں کہا کہ پردے کے پیچھے بہت سی چیزیں ہو رہی ہیں۔اپنے پیغام میں چیئرمین پی سی بی نے کہا کہ بنگلہ دیش کرکٹ ٹیم نے زبردست کھیل پیش کیا، امید ہے کہ اگلے میچ میں پاکستانی ٹیم واپسی کرے گی۔محسن نقوی نے کہا کہ یہ بنگلہ دیش کی تاریخی کامیابی ہے، انہوں نے پاکستان کے خلاف پہلا ٹیسٹ میچ جیتا، پاکستانی ٹیم اس طرح نہیں کھیل سکی جس طرح اسے کھیلنا چاہیے تھا۔
