ورلڈ ملٹری کیڈٹ گیمز میں دو میڈلز جیتنے والے معید بلوچ پاکستان پہنچ گئے،شاندار استقبال

47

اردو ورلڈ کینیڈا ( ویب نیوز ) معید بلوچ وینزویلا میں منعقدہ مقابلوں میں ملک کے لیے ایک گولڈ اور ایک سلور میڈل جیت کر وطن واپس پہنچ گئے،ورلڈ ملٹری کیڈٹ گیمز میں پاکستان کے لیے دو میڈلز جیتنے والے معید بلوچ کا وطن واپسی کے موقع پر کراچی ایئرپورٹ پر شاندار استقبال کیا گیا۔پاکستانی کھلاڑی نے ورلڈ ملٹری کیڈٹ گیمز میں 400 میٹر میں سونے اور 200 میٹر میں چاندی کا تمغہ جیتا تھا۔ورلڈ ملٹری کیڈٹ گیمز میں پاکستان کی تینوں مسلح افواج کی شرکت، 5 میڈلز جیتے،ایونٹ کے رننگ ایونٹس میں پاکستان کے معید بلوچ نے 400 میٹر کا فاصلہ 48.20 سیکنڈز میں طے کر کے گولڈ میڈل جیتا۔انہوں نے 200 میٹر کی دوڑ میں مقررہ فاصلہ 21.72 سیکنڈز میں طے کرکے چاندی کا تمغہ جیتا۔