جلسہ مقررہ وقت سے لیٹ ختم کرنے پر پی ٹی آئی کیخلاف کارروائی کاامکان

14

اردوورلڈ کینیڈا( ویب نیوز)پاکستان تحریک انصاف کی قیادت اسلام آباد میں جلسہ کر کے مشکل میں پڑ گئی، پی ٹی آئی مقررہ وقت میں جلسہ ختم کرنے میں ناکام رہی جس کی وجہ سے اب اسے قانونی کارروائی کا سامنا کرنا پڑ سکتا ہے۔
ڈسٹرکٹ مجسٹریٹ نے پی ٹی آئی اسلام آباد کے صدر عامر مسعود کو نوٹس جاری کیا ہے، پولیس اور ضلعی انتظامیہ کو بھی خلاف ورزی کرنے والوں کے خلاف سخت کارروائی کرنے کی ہدایت کی گئی ہے۔
آئی جی اسلام آباد نے کہا ہے کہ جلسے کے منتظمین کے خلاف قانونی کارروائی کی جائے گی، اسلام آباد میں احتجاج کے حوالے سے قانون سامنے آیا ہے، قانون پی ٹی آئی جلسے پر اپنا راستہ اختیار کرے گا۔.
یاد رہے کہ تحریک انصاف کو شام 4 بجے سے شام 7 بجے تک جلسہ کی اجازت دی گئی تھی، پی ٹی آئی نے رات 9 بج کر 45 منٹ پر جلسہ ختم کیا۔