اردوورلڈ کینیڈا( ویب نیوز)لبنان کے دارالحکومت بیروت میں اسرائیلی فضائی حملے کی وجہ سے دھماکوں کی بازگشت سنائی دے رہی ہے۔
غیر ملکی میڈیا رپورٹس کے مطابق اسرائیل نے لبنان میں حملوں کا دائرہ وسیع کیا، اسرائیلی فضائیہ نے بیروت کے علاقے دحیہ میں کئی طاقتور بم گرائے، جس کے بعد کئی جگہوں پر آگ بھڑک اٹھی اور کئی عمارتیں گر گئیں۔
میڈیا رپورٹس میں بتایا گیا ہے کہ اسرائیلی فضائیہ نے حزب اللہ کے ہتھیاروں کے ڈپو کو نشانہ بنانے اور لبنانی ٹی وی چینل کے دفتر کو بھی نشانہ بنانے کا دعویٰ کیا ہے۔.
اسرائیلی فورسز نے بیروت میں اقوام متحدہ کے دفتر پر بھی بمباری کی جس کے نتیجے میں بہت سے لوگ شہید ہوگئےلیکن اسرائیلی حملوں کی شدید مذمت کی گئی ہے۔.
اطلاعات کے مطابق حزب اللہ نے جوابی کارروائی کرتے ہوئے اسرائیلی قصبے کریات شمونہ پر راکٹ فائر کیے جس میں 30 سے زائد راکٹ کئی مقامات پر گرے۔.
عرب میڈیا کے مطابق لبنان پر اسرائیلی حملے میں حزب اللہ کے ممکنہ سربراہ ہاشم صفی الدین کی شہادت کی اطلاعات ہیں۔. ہاشم صفی الدین گزشتہ جمعہ سے دیگر رہنماؤں سے رابطے سے باہر ہیں۔.