اردوورلڈکینیڈا ( ویب نیوز) آج سینیٹ اور قومی اسمبلی کے اجلاس ہوں گے جن میں مختلف بل پیش کیے جائیں گے۔.سینیٹ کا اجلاس آج سہ پہر 3 بجے ہوگا، 14 نکاتی ایجنڈا بھی جاری کیا گیا ہے۔.
سینیٹ اجلاس کے ایجنڈے میں آئینی ترمیمی بل، کمیٹی کی رپورٹس اور کئی بل سیشن میں منظوری کے لیے پیش کیے جائیں گے، مجوزہ آئینی ترمیم کے مسودے پر اتفاق رائے کی صورت میں ضمنی ایجنڈا آئے گا۔.
قومی اسمبلی کا اجلاس آج شام 4 بجے سپیکر سردار ایاز صادق کی صدارت میں ہوگا۔.
اجلاس میں پارلیمانی امور کی وفاقی وزیر قومی کمیشن برائے خواتین ایکٹ میں ترمیم کا بل پیش کریں گی، وفاقی وزیر برائے ہاؤسنگ اینڈ ورکس پاکستان انفراسٹرکچر ڈویلپمنٹ اینڈ ایسٹ مینجمنٹ اتھارٹی کے قیام کا بل پیش کریں گے۔.
وزیر خارجہ اسحاق ڈار قومی اسمبلی کے اجلاس میں حیاتیاتی ہتھیاروں کی پیداوار اور خریداری پر پابندی کے بین الاقوامی کنونشن کے نفاذ کا بل پیش کریں گے جبکہ کابینہ ڈویژن نے سال کی وفاقی پالیسی پر عمل درآمد پر رپورٹ بھی پیش کی ہے۔
قومی اسمبلی کے اجلاس میں وفاقی دارالحکومت اسلام آباد میں غیر معیاری تعلیم کی طرف توجہ مبذول کرانے کے لیے نوٹس جاری کیا جائے گا جبکہ ملک بھر میں ذیابیطس کے مریضوں کی بڑھتی ہوئی تعداد کی طرف توجہ مبذول کرانے کا نوٹس بھی پیش کیا جائے گا۔.
دوسری جانب پاکستان تحریک انصاف نے قومی اسمبلی اور سینیٹ کے اجلاس سے متعلق حکمت عملی طے کرلی
ذرائع کے مطابق تمام اراکین قومی اسمبلی اور سینیٹ کے اجلاس میں شرکت نہیں کریں گے، صرف چند مرکزی رہنما پارلیمنٹ میں جائیں گے۔.
تحریک انصاف نے پارلیمنٹ کے ارکان کو عوام کے سامنے آنے سے روک دیا ہے، پارٹی نے ہدایت کی ہے کہ قومی اسمبلی اور سینیٹ کا کوئی رکن اجلاس میں شرکت نہ کرے۔.
83
