اردو ورلڈ کینیڈا ( ویب نیوز ) 13 ہزار سے زائد افراد اقامہ قوانین، ساڑھے 5 ہزار سرحدی قوانین اور 3300 سے زائد لیبر قوانین کی خلاف ورزی میں ملوث تھے۔سعودی وزارت داخلہ،سعودی وزارت داخلہ کے مطابق ملک میں غیر قانونی طور پر داخل ہونے کی کوشش کرنے پر 1421 افراد کو گرفتار کیا گیا جب کہ 53 افراد کو غیر قانونی طور پر ملک چھوڑنے کی کوشش کرنے پر گرفتار کیا گیا اور 18 افراد کو غیر قانونی تارکین وطن کو سہولیات فراہم کرنے پر گرفتار کیا گیا۔

سعودی وزارت داخلہ کا کہنا ہے کہ غیر قانونی تارکین وطن کو کسی بھی قسم کی سہولت فراہم کرنا سنگین جرم ہے جب کہ سعودی عرب میں مجموعی طور پر 21 ہزار 971 غیر قانونی تارکین وطن کو گرفتار کیا گیا ہے۔