اردو ورلڈ کینیڈا ( ویب نیوز ) اسرائیل کا ایران پر جوابی حملہ ، تہران ، شیراز اور کاراج دھماکوں سے لرز اٹھے ،ایران کے سرکاری میڈیا نے تہران میں ہونے والے دھماکوں کی تصدیق کرتے ہوئے کہا ہے کہ تہران اور اس کے قریبی شہر کاراج میں 5 دھماکوں کی آوازیں سنی گئیں۔عرب میڈیا کے مطابق پاسداران انقلاب کے ہیڈ کوارٹر کے قریب دھماکوں کی آوازیں سنی گئیں جبکہ تہران پر اسرائیلی حملے کے بعد کئی مقامات پر آگ بھڑک اٹھی۔. تہران میں ایک عمارت میں آگ لگنے کی بھی اطلاع ہے لیکن تہران کے فائر بریگیڈ ڈیپارٹمنٹ نے واضح کیا کہ اس عمارت کا وزارت دفاع سے کوئی تعلق نہیں ہے۔
اسرائیلی میڈیا کے مطابق ایران کے سکیورٹی سسٹم سے متعلق ایک اہم عمارت میں مبینہ طور پر دھماکہ ہوا ہے، دعویٰ کیا جاتا ہے کہ جس عمارت میں دھماکہ ہوا وہ تہران میں ہے اور اس عمارت سے دس سے زائد افراد کو بچا لیا گیا ہے۔اسرائیلی میڈیا کے مطابق کاراج وہ شہر ہے جہاں ایران کے نیوکلیئر پاور پلانٹس واقع ہیں لیکن یہ واضح نہیں ہے کہ جوہری پاور پلانٹ کو نشانہ بنایا گیا ہے یا نہیں۔. اسرائیل کے ایران پر حملے سے قبل وائٹ ہاؤس کو اطلاع دی گئی تھی۔اسرائیلی میڈیا نے اسرائیلی ڈیفنس فورس کے حوالے سے ایک فضائی حملے میں ایران میں متعدد فوجی اہداف کو نشانہ بنانے کی تصدیق کرتے ہوئے کہا کہ اسرائیلی فوج کا کہنا ہے کہ اس نے ایران میں مخصوص اہداف کو نشانہ بنایا ہے۔ ایران کے لیے تیار اور خطے میں اس کے پراکسی صورتحال پر نظر رکھے ہوئے ہیں۔اسرائیلی میڈیا کے مطابق دمشق کے وسطی اور مضافاتی علاقوں میں بھی دھماکوں کی آوازیں سنی گئیں۔
عراقی شہر تکریت میں بھی دھماکوں کی آوازیں سنی گئیں۔. جس وقت عراق اور شام میں دھماکے ہوئے، ان دونوں ممالک کے آسمانوں میں کوئی طیارہ نہیں تھا۔دوسری جانب ایرانی انٹیلی جنس حکام نے سرکاری ٹی وی کو بتایا ہے کہ دھماکوں کی وجہ ممکنہ طور پر ایران کے فضائی دفاعی نظام کو فعال کرنا ہو سکتا ہے۔ایرانی میڈیا نے ذرائع کے حوالے سے دعویٰ کیا ہے کہ اسرائیلی حملے میں پاسداران انقلاب کے کسی دفتر کو نشانہ نہیں بنایا گیا۔اس سے قبل فارس نیوز نے تہران میں دھماکے کی اطلاع دی تھی اور یہ بھی کہا تھا کہ تہران کے امام خمینی بین الاقوامی ہوائی اڈے پر بھی دھماکے کی اطلاع ملی ہے۔
بعد ازاں امام خمینی انٹرنیشنل ایئرپورٹ کے سی ای او نے ایئرپورٹ پر حملے کی اطلاعات کو مسترد کرتے ہوئے کہا کہ ایئرپورٹ سے صبح کی پہلی پرواز معمول کے مطابق روانہ ہوگی اور کوئی پرواز منسوخ نہیں کی جائے گی۔ایرانی میڈیا کے مطابق مہرآباد ایئرپورٹ پر تمام پروازیں معمول کے مطابق ہیں، کسی جنگی طیارے یا میزائل کی آواز نہیں سنی گئی اور نہ ہی کہیں سے آگ یا دھواں آنے کی کوئی اطلاع ہےاسرائیل پر ایران کا بڑا حملہ، میزائلوں سے بچنے کے لیے اسرائیلی پناہ گاہوں میں چھپنے پر مجبور، متعدد زخمی۔
