اردو ورلڈ کینیڈا ( ویب نیوز ) وکٹ کیپر بیٹر محمدرضوان کو پاکستان وائٹ بال فارمیٹ کا کپتان مقرر کر لیا گیا۔پی سی بی ذرائع کے مطابق محمد رضوان نے پاکستان کرکٹ بورڈ کے چیئرمین محسن نقوی سے ملاقات کی، محمدرضوان کو کپتان مقرر کرنے کی تجویز ہیڈکوچ گیری کرسٹن نے دی اور سلیکٹرز نے بھی محمدرضوان کو وائٹ بال کا کپتان مقرر کرنے کی حمایت کی، جبکہ سلمان علی آغا کو نائب کپتان مقرر کرنے کی تجویز دی گئی ہے۔پی سی بی ذرائع نے مزید بتایا کہ بورڈ سلیکٹرز نے دورہ آسٹریلیا کے لیے وائٹ بال سکواڈ کل فائنل کرلیا تھا اور دورہ آسٹریلیا کیلیے چیمپئنز ون ڈے کپ میں پرفارمنس دینے والے کھلاڑیوں کو شامل کرنے پر غور کیا گیا۔