اردو ورلڈ کینیڈا ( ویب نیوز ) واشنگٹن اور وینکوو میں آتش گیر مادے سے دو بیلٹ ڈراپ باکسز کو آگ لگ گئی۔ بیلٹ بکسوں کے اندر آگ بجھانے کا خودکار نظام ناکارہ ہونے سے بکسوں میں موجود سینکڑوں ووٹ جل کر خاکستر ہوگئے۔میڈیا رپورٹس کے مطابق واشنگٹن اور وینکوور میں بیلٹ ڈراپ باکسز میں آگ لگنے سے قبل ایک بیلٹ باکس کو آگ لگ گئی تاہم بیلٹ باکس کے اندر آگ بجھانے کے نظام کی بدولت اس میں موجود زیادہ تر ووٹ محفوظ ہوگئے۔
ایک پریس کانفرنس میں حکام نے کہا کہ دونوں واقعات میں استعمال ہونے والے آتش گیر مادے سے لگتا ہے کہ دونوں آگ کا آپس میں تعلق ہے تاہم واقعات کی مزید تحقیقات جاری ہیں۔امریکی حکام نے بیلٹ بکس جلانے کو جمہوریت پر حملہ قرار دیتے ہوئے کہا ہے کہ بیلٹ بکسوں پر حملوں کے بعد ان سے ووٹ لینے کا عمل بڑھایا جائے گا اور وہاں سے کئی گنا ووٹ اکٹھے کیے جائیں گے۔عہدیداروں نے شہریوں سے درخواست کی ہے کہ وہ ہفتہ کی صبح 11 بجے کے بعد بیلٹ بکس میں ووٹ ڈالیں اور متبادل بیلٹ حاصل کرنے کے لیے متعلقہ دفتر سے رابطہ کریں۔واشنگٹن کے وزیر خارجہ سٹیو ہوبز نے کہا کہ ووٹنگ کو متاثر کرنے والی کسی بھی دھمکی یا تشدد کو برداشت نہیں کیا جائے گا۔
