اردوورلڈ کینیڈا( ویب نیوز)چیف آف آرمی سٹاف جنرل عاصم منیر نے سعودی عرب کے وزیر اعظم اور ولی عہد شہزادہ محمد بن سلمان کے ساتھ علاقائی امن، دفاع اور دو طرفہ تعلقات پر تبادلہ خیال کیا۔.
پاکستانی فوج کے شعبہ تعلقات عامہ (آئی ایس پی آر) کے جاری کردہ ایک بیان کے مطابق چیف آف آرمی اسٹاف جنرل عاصم منیر سرکاری دورے پر سعودی عرب میں ہیں اور اس دوران انہوں نے سعودی ولی عہد اور وزیر اعظم محمد بن سلمان سے ملاقات کی۔.
بیان میں کہا گیا ہے کہ آرمی چیف اور سعودی وزیراعظم کے درمیان ہونے والی ملاقات میں علاقائی امن، دفاع اور سلامتی تعاون اور دو طرفہ تعلقات پر تبادلہ خیال کیا گیا۔.
آرمی چیف جنرل عاصم منیر نے ولی عہد کا پاکستان کی حمایت پر شکریہ ادا کیا اور خطے میں امن و استحکام کے لیے ان کے کردار کو سراہا۔.
اس کے علاوہ آرمی چیف نے سعودی وزیر دفاع شہزادہ خالد بن سلمان اور دیگر اعلیٰ فوجی حکام سے بھی ملاقات کی۔. اجلاسوں میں دفاعی اور سیکورٹی تعاون کو مزید مضبوط بنانے کے عزم کا اعادہ کیا گیا۔.