اردو رلڈ کینیڈا ( ویب نیوز ) غزہ پر اسرائیلی حملوں میں 29 فلسطینیوں کو شہید کیا گیا، حماس نے بھی متعدد اسرائیلی فوجیوں کو ہلاک کرنے کا دعویٰ کیا ہے۔

ایک غیر ملکی خبر رساں ایجنسی کے مطابق اسرائیل نے غزہ کے کمال عدوان اسپتال میں کئی دھماکے کیے اور کل صبح شروع ہونے والے حملوں کے دوران مزید 29 فلسطینی شہید ہوگئے۔دوسری جانب فلسطینی مزاحمتی تنظیم حماس غزہ اور مغربی کنارے میں اپنی جوابی کارروائیاں جاری رکھے ہوئے ہے جس کے دوران حماس نے متعدد اسرائیلی فوجیوں کو ہلاک اور زخمی کرنے کا دعویٰ کیا ہے۔اس کے علاوہ ایرانی سپریم لیڈر آیت اللہ خامنہ ای نے کہا کہ اسرائیل غزہ میں اپنے مقاصد حاصل کرنے میں ناکام رہا ہے، یرغمالیوں کو رہا نہیں کیا گیا ہے اور حماس کی مزاحمت ختم نہیں ہوئی ہے۔