اردو ور لڈ کینیڈا ( ویب نیوز ) شام کے صوبے طرطوس میں فورسز اور معزول صدر بشار الاسد کے حامیوں کے درمیان جھڑپوں میں 17 افراد ہلاک اور متعدد زخمی ہو گئے ہیں۔

شامی مبصرین کے مطابق یہ جھڑپیں بشار الاسد کے ملٹری جسٹس ڈیپارٹمنٹ کے ڈائریکٹر محمد کانجو حسن کی گرفتاری کے دوران ہوئیں جس میں 17 افراد ہلاک اور 10 زخمی ہوئے۔شام کے وزیر داخلہ کا کہنا ہے کہ محمد کانجو حسن کی گرفتاری کے لیے جانے والی ٹیم پر گھات لگا کر حملہ کیا گیا اور آپریشن کے دوران تین مسلح افراد بھی مارے گئے۔ایک غیر ملکی خبر رساں ایجنسی کے مطابق محمد کانجو حسن کو بدنام زمانہ سید نیا جیل میں ہونے والے مظالم کا ذمہ دار سمجھا جاتا ہے۔واضح رہے کہ شام کا صوبہ طرطوس معزول صدر بشار الاسد کا گڑھ سمجھا جاتا ہے۔