اردو ورلڈ کینیڈا ( ویب نیوز ) غزہ کے ایک پناہ گزین کیمپ میں شدید سردی سے تین چھوٹے بچے اور ایک ڈاکٹرجاں بحق ہو گئے۔

عرب میڈیا کے مطابق اسرائیلی ناکہ بندی کی وجہ سے جنوبی غزہ کی پٹی کے ایک پناہ گزین کیمپ میں خوراک اور ادویات کی شدید قلت پیدا ہو گئی ہے۔ شدید سردی کی وجہ سے پناہ گزین کیمپ میں ٹھنڈ لگنے سے تین بچے جاں بحق ہو گئے ہیں۔دوسری جانب اسرائیلی جنگی طیاروں نے نصیرات پناہ گزین کیمپ میں صحافیوں کی گاڑی پر بمباری کی جس میں پانچ صحافی ہلاک ہوئے۔ اسرائیلی فضائی حملے کے بعد 30 افراد لاپتہ ہیں۔. حماس کا کہنا ہے کہ اسرائیل نے جنگ بندی مذاکرات میں نئی شرائط عائد کی ہیں جس سے جنگ بندی کے معاہدے کو روک دیا گیا ہے۔اکتوبر 2023 سے اب تک غزہ پر اسرائیلی حملوں میں شہید ہونے والے فلسطینیوں کی تعداد 45،361 سے تجاوز کر گئی ہے جبکہ زخمیوں کی تعداد 107،000 سے زیادہ ہے۔