اردو ورلڈ کینیڈ ا ( ویب نیوز ) ہوائی اڈے پر اترنے کے بعد یونائیٹڈ ایئر لائنز کے طیارے کے پہیے کے نیچے سے لاش برآمد ،ہوائی اڈے پر اترنے کے بعد یونائیٹڈ ایئر لائنز کے طیارے کے پہیے کے نیچے سے ایک لاش ملی ہے۔
خبر رساں ادارے روئٹرز کے مطابق یونائیٹڈ فلائٹ 202 کے منگل کی سہ پہر شکاگو اوہیئر انٹرنیشنل ایئرپورٹ سے کہلوئی ایئرپورٹ پر اترنے کے بعد طیارے کے لینڈنگ گیئر سے ایک لاش ملی۔ایئر لائن کی ویب سائٹ کے مطابق، لاش لینڈنگ گیئر وہیل کے ایک ڈبے میں موجود تھی، جو صرف ہوائی جہاز کے باہر سے ہی قابل رسائی ہے۔. اس وقت میت کے بارے میں مزید تفصیلات فراہم نہیں کی گئی ہیں۔یہ بھی واضح نہیں ہے کہ ہلاک ہونے والا شخص طیارے کے مقام پر کب اور کیسے پہنچا۔
ایئر لائن نے تحقیقات میں حکام کے ساتھ تعاون کا اعلان کیا ہے، لیکن فیڈرل ایوی ایشن ایڈمنسٹریشن نے ابھی تک کوئی تبصرہ نہیں کیا ہے۔واضح رہے کہ یہ کسی شخص کا ہوائی جہاز کے وہیل ہاؤس تک پہنچنے کا پہلا مہلک واقعہ نہیں ہے بلکہ ماضی میں بھی ایسے واقعات رونما ہو چکے ہیں۔پچھلے سال پیرس میں الجزائر کے طیارے کی انڈر کیریج میں ایک شخص زندہ پایا گیا تھا جب کہ جنوری 2022 میں افریقہ سے ایمسٹرڈیم جانے والے کارگو طیارے کے پہیے کے ڈبے میں ایک شخص زندہ پایا گیا تھا۔
