اردو ورلڈ کینیڈا ( ویب نیوز ) جنوب مغربی کولمبیا کی ہائی وے پر سیاحوں کی بس 160 فٹ گہری کھائی میں گرنے سے 13 افراد ہلاک اور 28 زخمی ہوگئے۔

غیر ملکی میڈیا رپورٹس کے مطابق بس کو حادثہ پین امریکن ہائی وے پر پیش آیا۔ بس کیلی شہر سے ایکواڈور کی سرحد کی طرف جا رہی تھی۔ حادثے میں زخمی ہونے والے سیاحوں کو طبی امداد کے لیے قریبی اسپتال لے جایا گیا۔کولمبیا کی ٹریفک پولیس حادثے کا شکار ہونے والی بس میں سوار 42 مسافروں کی تفصیلات جمع کرنے میں مصروف ہے۔کولمبیا کی وزیر ٹرانسپورٹ ماریا کونسٹانزا گارسیا نے مرنے والوں کے اہل خانہ سے تعزیت کا اظہار کیا۔