اردو ورلڈ کینیڈا ( ویب نیوز ) اقوام متحدہ کے انسانی حقوق کمیشن کی رپورٹ میں کہا گیا ہے کہ ایران میں گزشتہ سال مبینہ طور پر 901 افراد کو پھانسی دی گئی۔

رپورٹ کے مطابق ان میں سے تقریباً 40 کو گزشتہ سال دسمبر میں ایک ہفتے کے دوران موت کی سزا سنائی گئی۔اقوام متحدہ کے ہائی کمشنر برائے انسانی حقوق وولکر ترک نے کہا ہے کہ ایران میں سزائے موت پانے والوں کی تعداد میں اضافہ پریشان کن ہے۔غیر ملکی خبر رساں ادارے کے مطابق ایران میں قتل، منشیات کی سمگلنگ اور جنسی زیادتی سمیت سنگین جرائم میں سزائے موت دی جاتی ہے۔

اقوام متحدہ کے مطابق گزشتہ سال پھانسی پانے والوں میں سے زیادہ تر کو منشیات سے متعلق جرائم کی سزا سنائی گئی تھی تاہم 2022 کے احتجاج کے سلسلے میں گرفتار ہونے والے مظاہرین کو بھی موت کی سزا سنائی گئی تھی۔
ایران میں بھی خواتین کو موت کی سزا سنائے جانے کے واقعات میں اضافہ دیکھا گیا ہے۔ناروے کی انسانی حقوق کی تنظیم IHR کی ایک رپورٹ کے مطابق ایران میں گزشتہ سال بھی کم از کم 31 خواتین کو موت کی سزا سنائی گئی۔