اردوورلڈ کینیڈا( ویب نیوز)چیئرمین پاکستان تحریک انصاف کے بیرسٹر گوہر نے کہا ہے کہ پی ٹی آئی کے بانی عمران خان نے حکومت کے ساتھ مذاکرات جاری رکھنے کی ہدایت کی ہے۔

.عمران خان سے ملاقات کے بعد اڈیالہ جیل کے باہر صحافیوں سے بات کرتے ہوئے بیرسٹر گوہر نے کہا کہ پی ٹی آئی کے بانی نے دونوں مطالبات تحریری طور پر حکومتی کمیٹی کو پیش کرنے کی اجازت دے دی ہے۔.

انہوں نے واضح کیا کہ معاہدے کے تاثر کو پی ٹی آئی کے بانی عمران خان پہلے ہی دور کر چکے ہیں۔

پی ٹی آئی کے بانی نے کہا ہے کہ مذاکرات کے لیے تیسرا اجلاس ہونا ضروری ہے اور اگر اس کے بعد مذاکراتی ٹیم نہیں ملتی تو مذاکرات آگے نہیں بڑھ سکیں گے۔